Самаадукацыя - свядомая, актыўная пазнавальная і творчая дзейнасць педагога, нацэленая на ўзбагачэнне сваіх прафесійных ведаў і ўдасканаленне метадычных прыёмаў работы з дзецьмі дашкольнага ўзросту. 

Выхавальнікі дашкольнай адукацыі адносяцца да катэгорыі тых прафесій, якія патрабуюць пастаяннай самаадукацыі.

Асноўныя напрамкі самаадукацыі:

• азнаямленне з новымі нарматыўнымі прававымі дакументамі;
• вывучэнне навукова-метадычнай літаратуры;
• вывучэнне актуальных дасягненняў педагагічнай навукі;
• азнаямленне з сучаснымі педагагічнымі тэхналогіямі і методыкамі;
• азнаямленне з перадавым педагагічным вопытам.

Тэму па самаадукацыі можа прапанаваць намеснік загадчыка па асноўнай дзейнасці, а можна выбраць яе самому. Выбіраць тэму самаадукацыі можна вузкую на адзін навучальны год або шырокую на некалькі гадоў. Пры выбары тэмы важна кіравацца педагагічным досведам і стажам працы, а таксама ўлічваць яе актуальнасць.

Парады педагогам:

• Вывучаючы пытанне, даследуйце некалькі крыніц. Такі метад навучыць выпрацоўваць сваё меркаванне.
• Вучыцеся працаваць з каталогамі. Гэта захавае вам час!
• Навучыцеся працаваць з інфармацыяй, збіраць, назапашваць. Гэта спатрэбіцца вам для ўдзелу ў педагагічнам савеце, семінары, семінары-практыкуме.
• Будзьце адкрыты да інавацый у адукацыйным працэсе. Стварайце свае кампутарныя прэзентацыі і відэа праэкты.
• Дзяліцеся вопытам з калегамі!  

Формы прадстаўлення вынікаў самаадукацыі:

• Даклад на педагагічным савеце.
• Кансультацыя
• Выступленне на семінары, семінары-практыкуме
• Правядзенне адкрытых заняткаў
• Творчая справаздача
• Правядзенне забаў, вольнага часу
• Наглядна-ілюстрацыйны матэрыял
• Праект
• Кансультацыя для бацькоў, паведамленне на бацькоўскім сходзе.